Ekzistojnë probleme me qasjen globale të tre platformave të mëdha të mediave sociale, aplikacioneve celulare dhe website-ve që janë në pronësinë e Facebook-ut.

Duke raportuar probleme me qasjen në internet, platforma Netblocks njoftoi gjithashtu se aplikacionet e lidhura me Facebook kanë rënë nga sistemi.

Sipas Downdetector, e cila përpilon raportet e përdoruesve, më shumë se 80,000 gabime aksesi u raportuan për WhatsApp dhe 50 mijë për Facebook.

Në shpjegimin e Facebook-ut nga llogaria në Twitter, u tha “Ne jemi të vetëdijshëm se disa përdorues kanë probleme me qasjen në aplikacionet dhe produktet tona. Ne po punojmë për ta kthyer atë në normalitet sa më shpejt të jetë e mundur dhe kërkojmë falje për problemin.”