Filmi i animuar “Shtëpia”

Kokolli ka treguar që filmi “Shtëpia” është shfaqur në disa festivale në Evropë dhe SHBA, dhe tani është ende në periudhën e aplikimit në festivale të ndryshme. Ndërkaq, planet në të ardhmen janë që të vazhdojnë punën në krijimin e animacioneve në studion e tyre të quajtur Studio Pink-I.

Filmi po ashtu u shfaq në edicionit e 13 të Anibarit (festivalit ndërkombëtar të filmit të animuar) dhe më pas në edicionin e 21-të DokuFestit (festivali ndërkombëtar i filmit dokumentar dhe të shkurtër).

“Ideja për filmin erdhi spontanisht. Është një histori universale që shumica e njerëzve mendojnë dhe ndjejnë një version të tyre në një moment të jetës së tyre. Filmi nuk ofron zgjidhje për një problem, por është një formë e shprehjes së një përvojë personale”, është shprehur Kokolli.

Filmat e animuar pa mbështetje institucionale

Përderisa filmat e animuar kanë filluar të kenë një interesim të madh nga audienca kosovare dhe më gjerë, ata ende nuk gëzojnë mbështetjen e duhur nga institucionet publike. “Animacioni si industri ende nuk e ka mbështetjen që duhet ta ketë nga institucionet përkatëse të Kosovës. Kjo vjen nga moskuptimi i procesit të krijimit të animacionit, gjë që shkakton probleme në momentin kur kërkohet ndihma nga këto institucione. Duke qenë se animacioni është një fushë e re për të gjithë pjesëmarrësit – një problem i tillë është edhe i pritshëm. Përderisa industria vazhdon të zhvillohet, nëse institucionet apo dhe filimbërësit janë të hapur në komunikim me njëri-tjetrin, pengesat në prodhimi do të zvogëlohen”, tha ajo.

Ajo përmendi se nuk ka pasur një sasi të madhe të filmat të animuar që janë prodhuar viteve të fundit në Kosovë. Por duke pasur parasysh mungesën e arsimit në këtë fushë në Kosovë, industria po prodhon më shumë se sa që pritet. “Vetëm përmes Akademisë së Animacionit Anibar kemi kuptuar se ka individë me shumë pasion dhe talent për të bërë filma të animuar, përderisa ka mbështetje dhe mundësi, zhvillimi i ekipeve të punës do të jetë i natyrshëm”, theksoi ajo.

Pa dyshim, filmat e animuar vazhdojnë të tërheqin interesin e të rinjve. Kështu, gjatë një diskutimi që ishte organizuar në festivalin Anibar për industrinë e animacionit, një nga pjesëmarrëset përmendi se si animacioni për të është një formë shprehjeje. Ajo përmendi se animacioni përtej industrisë është një mënyrë jetese, “kur nuk di t’i tregoj gjërat, përdor animacion. Është një gjuhë e veçantë për mua,” kishte thënë ajo.

Flaka Kokolli shtoi se gjetja e një komuniteti me të cilin mund të punosh dhe të ndash punën është një nga gjërat kryesore për zhvillim të interesit. Kur bëhet fjalë për komunitetin, ai mund të jetë lokal ose ndërkombëtar, siç është festivali i filmit të animacionit Anibar, i cili përfshin një grup njerëzish me interesa dhe qëllime të ngjashme. Kjo është një mënyrë e veçantë e zhvillimit profesional dhe personal.

Intervistë: Adelina Hasani