Të gjithë ndoshta e njohin Zastava 600, e cila tashmë shihet më së shumti në panairet nostalgjike të makinave dhe njihet me emrin Fiço. Ka shumë gjasë që këto makina t'i hasni në imazhe të periudhës së Jugosllavisë ose në albume familjare. Në rajonin tonë edhe pse Fiço shpreh ndjenjën e nostalgjisë për të kaluarën apo për Jugon, është fakt se sistemi jugosllav vazhdon të simbolizojë mënyrën modeste të jetesës dhe nivelin e mirëqenies së arritur nga shumica. Pa rënë në një ndjenjë të sëmurë nostalgjike, le të flasim shkurtimisht se çfarë ndodhi dhe si filluan të prodhoheshin këto makina të cilat tashmë njihen nga shumica.
