Festivali Ederlez, i njohur edhe si "Karabash" në Prizren, është një festë shumë e lashtë pranverore. Arsyeja pse quhet ‘’Karabash’’ është ndoshta për faktin se në zonën ku mbahen festimet ndodhet Varri i Mustafait të Horasanit, ndryshe i njohur edhe si Karabash Baba. Edhe pse kjo zonë - ku ndodhen varrezat e vjetra të periudhës osmane - sot nuk përdoret si vend grumbullimi i festave të Ederlezit, pjesëmarrja në festival vazhdon përreth saj dhe është e njohur si “dalje në Karabash’’.
